Hert lög um fóður og áburð

Alþingi samþykkti í vor breytingar á lögum nr. 22/1994 um eftirlit með fóðri, áburði og sáðvöru. Breytingarnar fela m.a. í sér aukna ábyrgð framleiðenda og bætt þvingunarúrræði Matvælastofnunar.

Helstu breytingar eru eftirfarandi:

• Fastar er kveðið á um ábyrgð fóður-, áburðar- og sáðvörufyrirtækja um að efnainnihald og eiginleikar skráðra vara séu í samræmi við vörulýsingar. 
• Framleiðsla á lyfjablönduðu fóðri er háð leyfi frá Matvælastofnun og Lyfjastofnun.
• Tilkynningarskylda um sjúkdómsvaldandi örverur t.d. salmonellu er útvíkkuð á þann veg að skylt verður að tilkynna til Matvælastofnunar ef örverur greinast í sýnum teknum úr framleiðsluumhverfi fóðurs, en ekki aðeins ef þær greinast í fóðrinu sjálfu.
• Reglur um áburð eru hertar og ábyrgð fyrirtækjanna á gæðum og öryggi þeirra vara sem þau bjóða til sölu er aukinn, til samræmis við ábyrgð fóðurfyrirtækja.
• Þá eru ákvæði varðandi stjórnvaldssektir og önnur refsiákvæði fari fyrirtæki ekki að lögum.

Ítarefni

• Lög um breytingu á lögum um eftirlit með fóðri, áburði og sáðvöru