Glerbrot í villisveppasúpu
Frétt -
29.12.2023
Matvælastofnun varar við neyslu á einni framleiðslulotu af Villisveppasúpu frá Sælkerabúðinni vegna þess að glerbrot fannst í vörunni. Sælkerabúðin hefur innkallað vöruna í samráði við Heilbrigðiseftirlit Reykjavíkur.
Upplýsingar um vöruna sem innköllunin einskorðast við:
- Vörumerki: Sælkerabúðin
- Vöruheiti: Villisveppasúpa
- Geymsluþol: Best fyrir Dagsetning: 14.03.2024
- Nettómagn: 1 lítri
- Framleiðandi: Sælkerabúðin, Bitruháls 2, 110 Reykjavik.
- Framleiðsluland: Ísland
- Dreifing: Sælkerabúðin, Bitruhálsi 2, 110 Reykjavík.
Viðskiptavinum Sælkerabúðarinnar sem keypt hafa vöruna er ráðið frá því að neyta hennar og er bent á að þeir geta skilað henni í Sælkerabúðina á Bitruhálsi gegn fullri endurgreiðslu. Sælkerabúðin biður viðskiptavini sem kunna að hafa orðið fyrir óþægindum vegna þessa
innilegrar afsökunar. Nánari upplýsingar veitir Sælkerabúðin í síma 578-2255 eða í gegnum netfangið info[at]saelkerabudin.is
Ítarefni