Ákvörðun um skráningu vegna fiskeldis til Veiðifélags Kjósarhrepps að Brynjudal í Hvalfirði
Frétt -
12.12.2022
Athugið að þessi frétt er ársgömul eða eldri.
Í samræmi við reglugerð nr. 1133/2021 hefur Matvælastofnun ákveðið að skrá Veiðifélag Kjósarhrepps með fiskeldi að Brynjudal í Hvalfirði. Um er að ræða landeldi á laxi í kerjum.
Veiðifélag Kjósarhrepps sótti um skráningu vegna 10.000 seiða og 1 tonna hámarkslífmassa í seiðaeldi á lax (Salmo Salar). Umsókn um skráningu var móttekin þann 4. nóvember 2022. Starfsemin er einnig háð starfsleyfi Umhverfisstofnunar.
Heimilt er að kæra ákvörðun Matvælastofnunar um skráningu til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.
Ítarefni
Staðfesting skráningar Matvælastofnunar til Veiðifélags Kjósarhrepps.