Útgáfa rekstrarleyfis Laxós ehf. á Árskógssandi í Eyjafirði
Matvælastofnun hefur veitt Laxós ehf. rekstrarleyfi til fiskeldis á Árskógssandi í Eyjafirði. Um er að ræða nýtt rekstrarleyfi fyrir 400 tonna hámarkslífmassa vegna seiðaeldis á laxi og regnbogasilungi. Matvælastofnun auglýsti tillögu að rekstrarleyfi á vef stofnunarinnar þann 7. mars 2024 og var frestur til að skila inn athugasemdum til 5. apríl 2024.
Laxós ehf. sótti um nýtt rekstrarleyfi fyrir 400 tonna hámarkslífmassa seiðaeldi á laxi og regnbogasilungi á Árskógssandi í Eyjafirði. Umsókn um nýtt rekstrarleyfi var móttekin þann 26. apríl 2022. Starfsemin er einnig háð starfsleyfi Umhverfisstofnunar.
Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.
Ítarefni
Fyrri tilkynning Laxós ehf. til Skipulagsstofnunar
Seinni tilkynning Laxós ehf. til Skipulagsstofnunar
Fyrri ákvörðun Skipulagsstofnunar um matsskyldu