Breytingar á gjaldskrám Matvælastofnunar

Matvælastofnun vekur athygli á breytingum á gjaldskrám Matvælastofnunar. Gjaldskrá fyrir eftirlit og aðra gjaldskylda starfsemi Matvælastofnunar hefur verið uppfærð með nýrri reglugerð. Sama á við um gjaldskrá vegna umsókna fyrir framleiðslu, markaðssetningu eða innflutning matvæla með íblönduðu koffíni og vegna vinnslu og heilbrigðiseftirlits með hvalaafurðum.

Meðal breytinga eru:

• Tímagjald fyrir áhættuflokkað eftirlit hækkar úr 23.375 kr í 24.544 kr.
• Almennt tímagjald hækkar úr 9.350 kr í 9.818 kr.
• Fast akstursgjald fyrir eftirlit hækkar úr 3.300 kr í 3.600 kr.

Með þessum breytingum falla fyrri gjaldskrár um sama efni úr gildi. 

Ítarefni

• Gjaldskrá nr. 392/2022 fyrir eftirlit og aðra gjaldskylda starfsemi Matvælastofnunar
• Gjaldskrá nr. 391/2022  vegna umsókna fyrir framleiðslu, markaðssetningu eða innflutning matvæla með íblönduðu koffíni
• Gjaldskrá nr. 390/2022 vegna vinnslu og heilbrigðiseftirlits með hvalaafurðum