Köfnunarhætta með sælgætisvöru

Innkallanir - 17.07.2023

Matvælastofnun varar við kínversku sælgæti Funny candy Cup cake candy sem Innco innflutningur ehf. flytur inn vegna köfnunarhættu ef plasthlutir losna úr loki. Fyrirtækið í samráði við heilbrigðiseftirlit Reykjavíkur hefur innkallað vöruna. Sælgætið var einungis selt í sölutjöldum í Grindavík á síðasta sjómannadaginn.

Tilkynning um innköllun kom frá RASFF hraðviðvörunarkerfi Evrópu um hættuleg matvæli og fóður á markaði.

Innköllunin á við allar framleiðslulotur:

Vörumerki: Funny Candy Vöruheiti: Cup cake candy
Geymsluþol: Allar best fyrir dagsetningar
Lotunúmer: Öll lotunúmer
Nettómagn: 40 g
Strikamerki: 6931722311263
Framleiðandi: Xiamen Ouyue Industry & Trading Co., LTD
Framleiðsluland: Kína
Innflutningsfyrirtækið: Innco innflutningur, Suðurlandsbraut 6, 108 Reykjavík.
Dreifing: Varan var seld í sölutjöldum á sjómannadeginum í Grindavík

Viðskiptavinir sem keypt hafa vöruna eru beðnir um að neyta hennar ekki og farga eða skila henni til Innco.

Ítarefni:

Fréttasafn

Prenta síðu