Upprunamerkingar á grænmeti
Um merkingar matvæla, þ.m.t. grænmetis gildir reglugerð nr. 503 frá 2005 með síðari
breytingum. Markmið þessarar reglugerðar er að tryggja að neytendur fái réttar
og greinargóðar upplýsingar um þau matvæli sem boðin eru til sölu, auglýst eða
kynnt með öðrum hætti.
Heilbrigðiseftirlit sveitarfélaganna undir yfirumsjón Matvælastofnunar, fara með eftirlit með merkingu matvæla á markaði, þar með töldu innfluttu grænmeti. Innflutt grænmeti er í frjálsu flæði og lýtur því eftirliti á markaði.
Framleiðandi eða dreifingaraðili vöru er ábyrgur fyrir því að merking hennar, auglýsing eða kynning sé í samræmi við ákvæði í ofangreindri reglugerð og þeim sérreglugerðum sem við eiga. Mikilvægt er að merking sé ekki blekkjandi fyrir kaupanda eða móttakanda, einkum í því er varðar sérkenni matvælanna, s.s. uppruna. Skylt er að merkja neytendaumbúðir með uppruna eða framleiðslulandi ef skortur á slíkum upplýsingum gæti villt um fyrir neytendum hvað varðar réttan uppruna matvælanna.
Heilbrigðiseftirlit sveitarfélaganna í
samvinnu við Matvælastofnun metur þau tilvik þar sem vafi getur leikið á hvort
um villandi merkingar sé að ræða.
Ýtarlegri upplýsingar: