Ný skoðunarhandbók fyrir heilbrigðiseftirlit sveitarfélaga
Matvælastofnun hefur gefið út leiðbeiningar um framkvæmd matvælaeftirlits á vegum heilbrigðiseftirlits sveitarfélaga. Leiðbeiningarnar voru unnar í samvinnu við heilbrigðiseftirlitssvæðin og eru liður í því að auka samræmi í framkvæmd matvælaeftirlits á landsvísu. Leiðbeiningar eru unnar í samræmi við breytingar á löggjöf hvað varðar kröfur til matvælafyrirtækja og matvælaeftirlits sem hafa verið innleiddar á undanförnum árum.
Tilgangur með útgáfu skoðunarhandbókar er að veita starfsfólki sem starfar við eftirlit á vegum heilbrigðiseftirlits sveitarfélaga leiðbeiningar um hvernig skuli skipuleggja og framkvæma eftirlit með matvælafyrirtækjum sem heilbrigðiseftirlitið hefur eftirlit með.
Í byrjun árs 2015 gaf Matvælastofnun einnig út leiðbeiningar um hvernig skuli flokka matvælafyrirtæki sem heyra undir eftirlit heilbrigðiseftirlits sveitarfélaga með tilliti til áhættu starfseminnar og frammistöðu matvælafyrirtækjanna í að uppfylla kröfur.
Með þessu hafa stór skref verið stigin til samræmingar í matvælaeftirliti á landsvísu og ætti það að stuðla að auknu jafnræði og gagnsæi í stjórnsýslunni.
Ítarefni