Námskeið fyrir nýja aðila í gæðastýringu í sauðfjárrækt
Frétt -
05.10.2015
Athugið að þessi frétt er ársgömul eða eldri.
Matvælastofnun mun halda tvö undirbúningsnámskeið fyrir þá sem hyggjast sækja um aðild að gæðastýringu í sauðfjárrækt en krafist er að þátttakendur í gæðastýrðri sauðfjárrækt hafi sótt slíkt námskeið.
Staður og tími
- Akureyri þann 10. nóvember í Búgarði að Óseyri 2 kl. 10:00 – 17:00
- Stóra Ármóti þann 12. nóvember í sal BSSL kl. 10:00 – 17:00
Tilkynna þarf þátttöku eigi síðar en 5. nóvember n.k. Tekið er við tilkynningum um þátttöku í síma 530-4800 hjá Matvælastofnun eða með tölvupóstum á netfangið mast@mast.is
Ekki er um sérstakt námskeiðsgjald að ræða en þátttakendur greiða sjálfir fyrir veitingar.
Efni
- Farið yfir lagalegan grundvöll gæðastýringar í og stjórnsýslu tengdri gæðastýrðri sauðfjárrækt
- Farið er ítarlega yfir reglugerð 1160/2013 með síðari breytingum um gæðastýrða sauðfjárframleiðslu þar sem áhersla er lögð á að skýra alla liði reglugerðarinnar fyrir þátttakendum
- Fjallað um landýtingu og landbótaáætlanir
- Farið yfir reglugerð 916/2012 um merkingar búfjár
- Farið yfir reglugerð 1066/2014 um velferð sauðfjár og geitfjár
- Fjallað um skýrsluhald í sauðfjárrækt, uppbygginu þess og grundvallaratriði sem standa þarf skil á við þátttöku í skýrsluhaldi
- Farið yfir notkun á jord.is
- Farið í grundvallaratriði varðandi sauðfjárbúskap og fóðrun og hriðingu sauðfjár
Lengd námskeiðs er 6 klukkustundir og miðað er við að hámarksfjöldi á hvert námskeið sé 20 manns.