Forritari óskast
Frétt -
13.08.2021
Athugið að þessi frétt er ársgömul eða eldri.
Matvælastofnun óskar eftir að ráða metnaðarfullan einstakling til að vinna að forritun í nýjum hugbúnaðarverkefnum. Um er að ræða starf í upplýsingatækniteymi Matvælastofnunar, en teymið mótar stefnu í upplýsingatæknimálum og annast þróun hugbúnaðar. Æskilegt er að viðkomandi geti hafið störf sem fyrst.
Helstu verkefni
- Nýsmíði og þróun hugbúnaðar
- Þátttakandi í að móta og þróa nýjar lausnir
- Þátttakandi í þróunarteymi í verkefnum Matvælastofnunar
Menntunar- og hæfniskröfur
- Háskólamenntun í tölvunarfræði eða önnur menntun sem nýtist í starfi
- Þekking og reynsla í notkun á SQL og uppbyggingu á gagnagrunnum
- Góð þekking á bakendaforritun
- Þekking á GeoServer og Qgis
- Þekking á AWS uppsetningu og rekstri EC2 véla
- Gott vald á íslensku og ensku
- Góð hæfni í teymisvinnu og mannlegum samskiptum
- Þekking af Agile/Scrum er æskileg
- Frumkvæði og sjálfstæði í vinnubrögðum og miðlun upplýsinga
Starfsmaður mun starfa á aðalskrifstofu Matvælastofnunar á Selfossi. Launakjör eru samkvæmt kjarasamningi opinberra starfsmanna.
Nánari upplýsingar veitir María Ragna Lúðvígsdóttir á netfanginu mrl[hjá]mast.is eða í síma 530 4800. Umsóknarfrestur er til 30. ágúst nk. Sótt er um starfið á Starfatorgi og skal starfsferilskrá og kynningarbréf fylgja umsókn.