Endurnýjun rekstrarleyfis Hafrannsóknastofnunar til fiskeldis að Stað við Grindavík
Matvælastofnun hefur endurnýjað rekstrarleyfi Hafrannsóknastofnunar að Stað við Grindavík í samræmi við lög um fiskeldi. Matvælastofnun auglýsti tillögu að rekstrarleyfi á vef stofnunarinnar þann 2. nóvember 2020 og var frestur til að skila inn athugasemdum til 30. nóvember 2020.
Hafrannsóknastofnun sótti um endurnýjun á rekstrarleyfi vegna 20 tonna hámarkslífmassa til tilraunaeldis að Stað við Grindavík. Umsókn um endurnýjun á rekstrarleyfi var móttekin 15. janúar 2020. Úttekt starfsstöðvar hefur farið fram og staðfestir Matvælastofnun gildistöku rekstrarleyfis Hafrannsóknarstofnunar að Stað við Grindavík FE-1160 en starfsemin er einnig háð starfsleyfi Umhverfisstofnunar.
Heimilt er að kæra ákvörðun Matvælastofnunar um útgáfu rekstrarleyfisins til úrskurðarnefndar umhverfis- og auðlindamála og er kærufrestur einn mánuður frá birtingu þessarar auglýsingar.