Fara í efni

Eftirlitsdýralæknir í Norðausturumdæmi

Matvælastofnun óskar eftir því að ráða eftirlitsdýralækni til starfa í Norðausturumdæmi með á Akureyri. Um er að ræða 100% starf og æskilegt að umsækjandi geti hafið störf sem fyrst.

 Helstu verkefni og ábyrgð

Eftirlitsdýralæknir sinnir fyrst og fremst eftirliti skv. gildandi lögum og reglugerðum á sviði matvæla, dýraheilbrigðis og dýravelferðar, heilbrigðiseftirliti í sláturhúsum, samskiptum við opinberar stofnanir ásamt umsjón með tilteknum málaflokkum á verksviði umdæmisskrifstofunnar.

 Menntunar- og hæfniskröfur

  • Dýralæknismenntun
  • Æskilegt er að umsækjandi hafi starfað við opinbert eftirlit
  • Þekking og reynsla af opinberri stjórnsýslu er kostur
  • Nákvæmni, frumkvæði og sjálfstæði í starfi
  • Samstarfshæfni og lipurð í mannlegum samskiptum
  • Hæfni til tjáningar í ræðu og riti á íslensku og ensku er skilyrði
  • Góð almenn tölvukunnátta

Nánari upplýsingar um störfin veitir Ólafur Jónsson, héraðsdýralæknir, á netfanginu olafur.jonsson[hjá]mast.is eða í síma 530 4800.  Sótt er um starfið á Starfatorgi. Umsóknarfrestur er til og með 7. apríl n.k. 

Umsókn þarf að fylgja starfsferilsskrá og afrit af prófskírteini.  Öllum umsóknum verður svarað þegar ráðning liggur fyrir. Vakin er athygli á því að umsóknir gilda í 6 mánuði nema umsækjandi ákveði annað. Launakjör eru samkvæmt gildandi kjarasamningi fjármálaráðherra og Dýralæknafélags Íslands.  

 


Getum við bætt efni síðunnar?