Eftirlitsdýralæknar í sauðfjárslátrun óskast til starfa í haust
Viltu taka þátt í að tryggja velferð dýra og standa vörð um matvælaöryggi á Íslandi?
Matvælastofnun óskar eftir að ráða eftirlitsdýralækna til starfa við heilbrigðiseftirlit í sauðfjárslátrun á komandi hausti. Um er að ræða tímabundin störf í u.þ.b. tvo mánuði á eftirfarandi stöðum:
- Sláturhús SS á Selfossi
- Sláturhús KVH á Hvammstanga
- Sláturhús KS á Sauðárkróki
- Sláturhús Norðlenska á Húsavík
- Sláturhús Fjallalambs á Kópaskeri
Matvælastofnun er nútímaleg og framsækin þjónustustofnun sem gætir hagsmuna neytenda og málleysingja. Megináhersla er lögð á starfsánægju og samskipti ásamt því að vera öflugt og lifandi þekkingarsamfélag.
Við stöndum vörð um heilsu manna, dýra og plantna og aukum þannig velferð og verðmætasköpun í þágu þjóðarinnar. Gildi Matvælastofnunar eru FAGMENNSKA, GAGNSÆI OG TRAUST.
Helstu verkefni og ábyrgð:
Eftirlitsdýralæknir sinnir fyrst og fremst opinberu eftirliti með dýravelferð, hollustuháttum og heilbrigðisskoðun á kjötskrokkum. Í því felst skoðun á lifandi fé, afurðum og sýnataka.
Eftirlitsdýralæknir fer með faglega ábyrgð á daglegu opinberu eftirliti viðkomandi sláturhúss. Undir þá ábyrgð falla störf eftirlitsfulltrúa í sláturhúsum. Starfinu fylgir gagnasöfnun, ýmsar skráningar og samskipti við tengda aðila. Unnið verður í teymi í stærstu húsunum.
Menntunar- og hæfniskröfur:
- Dýralæknanám frá viðurkenndum háskóla
- Íslenskt starfsleyfi sem dýralæknir
- Reynsla af sláturhúsastörfum æskileg
- Reynsla af umgengni við búfé skilyrði
- Góðir skipulags- og samskiptahæfileikar
- Nákvæmni, frumkvæði, fagleg vinnubrögð og sjálfstæði í starfi
- Góð almenn tölvukunnátta
- Hæfni til tjáningar í ræðu og riti á íslensku og ensku.
Nánari upplýsingar um starfið veitir Freydís D. Sigurðardóttir, sérgreinadýralæknir sláturhúsa, á netfanginu freydis.sigurdardottir@mast.is eða í síma 530-4800. Sótt er um starfið á Starfatorgi.
Umsókn skal fylgja starfsferilskrá, prófskírteini og kynningarbréf.
Umsóknarfrestur er til og með 28. mars n.k.
Öllum umsóknum verður svarað þegar ráðning liggur fyrir. Vakin er athygli á því að umsóknir gilda í allt að sex mánuði nema umsækjandi ákveði annað. Launakjör eru samkvæmt gildandi kjarasamningi fjármálaráðherra og Dýralæknafélag Íslands.
Nánari upplýsingar um stofnunina er að finna á www.mast.is.