Auglýsing á viðbót við rekstrarleyfi Arctic Sea Farm hf. í Arnarfirði FE-1159
Vísað er til rekstrarleyfis Arctic Sea Farm hf. til sjókvíaeldis í Arnarfirði. Tillaga að rekstrarleyfi var auglýst þann 11. október 2021 og gefið út þann 21. mars 2022.
Í vinnslu við útgáfu leyfisins kom umsögn frá Hafrannsóknastofnun er snéri að fjarlægð eldissvæðisins í Trostansfirði. Umrætt eldissvæði er í innan við 5 km fjarlægð frá ósum Sunnudalsár og Norðdalsár og í ljósi umsagnar Hafrannsóknastofnunar taldi Matvælastofnun vafa leika á því hvort villtir laxastofnar með sjálfbæra nýtingu væri að finna í ánum sem vísað er í að framan. Matvælastofnun tók á þeim tíma ákvörðun um að gefa leyfið út en svæðið í Trostansfirði var undanskilið þar sem stofnunin taldi að ekki væri hægt að tryggja að skilyrðum 18.gr. reglugerðar nr. 540/2020 væri mætt.
Arctic Sea Farm hf. kærði þessa niðurstöðu til úrskurðarnefndar umhverfis- og auðlindamála þann 21. mars 2022. Þann 19. október 2022 úrskurðaði nefndin á þann veg að Matvælastofnun hafi verið óheimilt að hafna umsækjanda um svæðið í Trostansfirði á þeim forsendum sem fjallað er um hér að framan.
Frá þeim tíma sem liðin er síðan úrskurður var kveðinn upp hefur Matvælastofnun fengið ný gögn í málið er snúa m.a. að áhættumati siglinga fyrir svæðið í Trostansfirði ásamt smitvarnaráætlun rekstraraðila sem er sameiginleg með Arnarlaxi ehf. sem einnig er með leyfi til sjókvíaeldis í Arnarfirði.
Að framangreindu auglýsir Matvælastofnun svæðið Trostansfjörð sem verður í kjölfarið bætt við rekstrarleyfi FE-1159 í Arnarfirði. Í tillögu að rekstrarleyfi sem auglýst var á sínum tíma, sjá ítarefni, má finna umrætt svæði og þær afmarkanir sem það er háð.
Athugasemdir við viðbótina skulu vera skriflegar og sendar Matvælastofnun á mast@mast.is merkt 2301408. Frestur til að skila inn athugasemdum er til og með 10. nóvember 2025.
Ítarefni
Áhættumat siglinga, greinargerð Vegagerðarinnar og umsögn Samgöngustofu