Listar yfir samþykkt matvælafyrirtæki, fóðurfyrirtæki og fyrirtæki sem framleiða afurðir úr aukafurðum dýra sem ekki eru ætlaðar til manneldis
Matvælalöggjöf um hollustuhætti og eftirlit gekk í gildi í Evrópu árið 2006, og er með samþykkt laga nr. 143/2009 komið að innleiðingu hennar hér á landi þar sem sama löggjöf á að gilda um matvæli í öllum ríkjum á Evrópska efnahagssvæðinu (EES). Löggjöfin fjallar um eftirlit og hollustuhætti í matvæla- og fóðurframleiðslu og um framleiðslu afurða úr aukaafurðum dýra. Samkvæmt löggjöfinni skulu allir lögaðilar sem framleiða matvæli og fóður úr dýraafurðum vera samþykkt af Matvælastofnun. Fyrirtæki sem standast kröfur fá sérstök samþykkisnúmer sem notuð eru til að auðkenna afurðir hvers framleiðanda fyrir sig. Fyrirtækin eru flokkuð í „þætti“ eftir starfsemi. Listar yfir íslensk fyrirtæki í hverjum þætti ásamt samþykkisnúmerum, birtast þegar smellt er á viðkomandi þátt.
Þann 1. mars 2010 féllu gömlu leyfisnúmerin (IS-númerin) sem fiskvinnslufyrirtæki og skip fengu úthlutað, úr gildi. Hægt verður þó að nota þau áfram næstu 12 mánuði þar sem þess gerist þörf og eru þau því birt í töflunum ásamt nýju samþykkisnúmerunum.