• Email
  • Prenta

Skelfiskur

Matvælastofnun birtir hér eftirlitsniðurstöður á ræktunarsvæðum kræklings (bláskelja) fyrir þörungaeitur og eiturþörunga jafnóðum og þær koma í hús. Þessar niðurstöður segja til um hvort skel á tilteknu svæði sé neysluhæf og svæðið opið til nýtingar. Alla jafna ætti fólk ekki að tína villta skel til neyslu vegna hættu á þörungaeitrun, nema að staðfest sé að ekki séu eiturþörungar á svæðinu og/eða að eiturgreiningar sýni ótvírætt að skelin sé neysluhæf. 

Flestir þekkja munnmælin „það er óhætt að neyta kræklings sem tíndur er í mánuðum sem hafa „r“ í nafni sínu“. Þessi munnmæli eru ekki rétt. Hins vegar er rétt að sjaldan eru eitraðir þörungar til staðar í teljandi mæli í umræddum mánuðum. Ef kræklingur á tilteknu svæði er yfir mörkum í eitri að hausti, losnar hann sjaldnast við eitrið fyrr en þörungablóminn hefst aftur að vori og þá er hann ekki neysluhæfur allan veturinn. Ef hins vegar tiltekinn eitraður þörungur blómstrar einnig upp að vori þá helst eitrið í skelinni fram eftir sumri og jafnvel aftur fram á hausti. Það hefur t.d. verið raunin í Hvalfirði síðustu árin.

Fylgst er með eiturþörungum í sjó á fáeinum svæðum þar sem skelrækt fer fram. Niðurstöður greininga á eiturþörungum má einnig finna á heimasíðu Hafrannsóknastofnunar.

Hægt er að nýta sér niðurstöður þörungaeitursmælinga og talninga á eiturþörungum til að meta hvort óhætt sé að tína skel sér til matar, sjá töflu hér neðar "Svæði til Kræklingatínslu" og tengil hér að neðan "Niðurstöður vöktunar....". Einnig er hægt að skoða niðurstöður síðustu ára, sjá tengil "Yfirlit yfir niðurstöður eftilits með skelfiski..."

Á sumrin (maí til loka september) gilda niðurstöðurnar að hámarki í 10 daga og að vetrarlagi að hámarki í 4 vikur.

Nánari upplýsingar gefa Guðmundur Valur Stefánsson og Dóra S. Gunnarsdóttir hjá Matvælastofnun. 

Opnun / lokun ræktunar- og veiðisvæða 2019
Síðast uppfært: 16.09.2019 

Svæði til kræklingatínslu:.
 Svæði                                          Flokkun      Tegund               Staða svæðis / athugasemdir  
 Hvalfjörður A  Kræklingur  Lokað

Ræktunarsvæði: 
 Svæði Flokkun  Tegund  Staða svæðis / athugasemdir 
 Breiðafjörður (Kiðey) A  Kræklingur      Lokað frá 05.09.2019
 Breiðafjörður (Króksfjörður) A  Kræklingur  Lokað frá 05.09.2019 
 Faxaflói (Stakksfjörður) A  Kræklingur  Lokað
 Steingrímsfjörður (Hella) A  Kræklingur  Lokað frá 30.06.2019
Saltvík (Húsavík)
A Ostrur Lokað

Ítarefni