Eigendur útigangshrossa um allt land þurfa að búa sig undir að verja hross sín fyrir öskufalli. Of seint er að bregðast við eftir að umtalsvert öskufall er skollið á. Miðað við veðurspá fyrir næstu daga er mest hætta á öskufalli í Rangárvallasýslu en hrossaeigendur á öllu suður- og suðausturlandi þurfa að vera í viðbragðsstöðu.
Í gegnum viðvörunarkerfi Evrópu (RASFF) hefur komið tilkynning um að innkalla skuli plastpela með þvottabursta framleidda í Kína fyrir fyrirtækið Vidal Europa á Spáni. Ástæða innköllunar er að það mældist flæði þalata langt yfir leyfilegum mörkum. Ekki er vitað hvort varan sé á markaði hér á landi.
Matur, öryggi og heilsa, er yfirskrift sameiginlegrar ráðstefnu á vegum Matís og Matvælastofnunar (MAST), sem fram fer á Hótel Hilton Nordica þann 16. apríl n.k. Á ráðstefnunni, sem mun standa frá 12:30 til 16:30, verður m.a. leitast við að svara spurningum á borð við hvers vegna rekjanleiki matvæla verður sífellt mikilvægari, hvað felst í staðbundinni matvælaframleiðslu, hverjar eru helstu hætturnar tengdar matarsjúkdómum og hvað ný matvælalöggjöf Evrópusambandsins þýðir fyrir Ísland.
Lýðheilsustöð og Matvælastofnun hafa opnað vefsíðu með upplýsingum og fræðslu um helstu vítamín og steinefni: www.lydheilsustod.is/vitamin
Líkt og á síðasta ári eru tekin sýni úr villtum fuglum að vori til að kanna hvort mótefni gegn fuglaflensuveiru finnist, leitað er að H5 og H7. Í vor hafa alls 398 sýni (saursýni og/eða koksýni) verið tekin vítt og breitt um landið. Sýnin voru rannsökuð í Svíþjóð og hafa niðurstöður nú borist úr sýnunum. Reyndust þau öll neikvæð, þ.e. engin mótefni hafa fundist.
Landbúnaðarstofnun hefur nú látið útbúa fyrir sig bækling um starfsemi, hlutverk og framtíðarsýn stofnunarinnar. Bæklingurinn mun verða notaður við kynningar á Landbúnaðarstofnun og einnig liggja frammi í afgreiðslu hennar.
Úrvinnslu veiðiskýrslna fyrir laxveiðina 2006 er nú lokið og er þar gerð grein fyrir samantekt þeirra á sambærilegan hátt og gert hefur verið frá árinu 1987. Veiðimálstofnun hefur umsjón með skráningu og samantekt veiðiskýrslna samkvæmt samningi við Landbúnaðarstofnun. Eins og venja er til sendi Veiðimálastofnun út veiðibækur fyrir veiðitímann og var þeim síðan safnað saman að honum loknum. Í flestum tilfellum bárust bækurnar fljótt en þó voru nokkrar undantekningar sem seinkuðu útgáfu heildarsamantektar og í einstaka tilfellum vantar skráningu.
Markmið reglugerðar um epoxý afleiður er að kveða á um flæðimörk, leyfilegt hámarksmagn og eftir atvikum bann við notkun BADGE, BFDGE og NOGE (sjá nánar þýðingu skammstafana í reglugerð) og afleiða þeirra í efnum og hlutum sem ætlað er að snerta matvæli.