Leiðbeiningar vegna nýrra reglna um innflutning á hráu kjöti

Hrátt nautakjöt
20.12.2019 Fréttir - Matvælaöryggi

Frá og með 1. janúar 2020 falla niður reglur sem kveða á um að ferskt kjöt sem flutt er til landsins frá ríkjum innan EES þurfi að vera frosið. Hefðbundið leyfisveitingakerfi fellur einnig niður og innflutningur á kjöti og eggjum verður þá í frjálsu flæði frá ríkjum innan EES.

Nýlega hafa verið gefnar úr reglugerðir um viðbótartryggingar og vöktun á kampýlóbakter sem tilgreina nánar þær kröfur sem gerðar eru til matvælafyrirtækja.

Innflytjendur þurfa frá áramótum að sýna fram á að ófrosið og óhitameðhöndlað kjöt af kjúklingum og kalkúnum sé ekki smitað af kampýlóbakter en slík krafa er gerð á innlenda framleiðendur. Með sendingum af eggjum, svínakjöti, nautagripakjöti, kjúklingakjöti og kalkúnakjöti þurfa að fylgja skjöl og niðurstöður rannsókna m.t.t. salmonellu þar sem það á við sbr. reglugerðir um viðbótartryggingar.

Matvælastofnun hefur gefið út leiðbeiningar vegna reglugerðanna. Matvælafyrirtæki sem flytja inn kjöt til landsins eru hvött til að kynna sér vel reglugerðirnar og leiðbeiningarnar hér að neðan. Ávallt verður að vera hægt að sýna fram á að kröfur varðandi sýnatökur og skjöl sem eiga að fylgja sendingum séu uppfylltar. 

Reglugerðir

Leiðbeiningar

Til baka