Grunur um salmonellu í grísahakki

05.07.2019 Fréttir - Innkallanir
Matvælastofnun varar við neyslu á grísahakki vegna gruns um salmonellu. Fyrirtækið Stjörnugrís ehf. hefur, í samráði við Matvælastofnun, innkallað af markaði eina framleiðslulotu af grísahakki úr Krónunni. Varan er ekki lengur í sölu.

Eftirfarandi upplýsingar auðkenna vörurnar sem innköllunin einskorðast við:

  • Vöruheiti: Ferskt Grísahakk 
  • Vörumerki: Krónan
  • Best fyrir: 03.07.2019 
  • Geymsluskilyrði: Kælivara (0-4°C) 
  • Dreifing: Krónan Bíldshöfða, Krónan Jafnaseli, Krónan Lindum, Krónan Reyðarfirði, Krónan Vallakór og Krónan Þorlákshöfn.
  • Framleiðandi: Stjörnugrís

Neytendur sem hafa ennþá undir höndum grísahakk frá Krónunni með þessari “Best fyrir” dagsetningu eru beðnir um að skila því í viðkomandi verslun eða beint til Stjörnugríss, Kjalarnesi.

Ítarefni

Til baka