Stefna stjórnvalda gegn sýklalyfjaónæmi

E.coli
15.02.2019 Fréttir - Dýraheilbrigði / Matvælaöryggi

Starfshópur með yfirdýralækni, sóttvarnalækni og sérfræðing Keldna innanborðs skilaði árið 2017 tillögum um aðgerðir til að draga úr útbreiðslu sýklalyfjaónæmra baktería hér á landi. Sjávarútvegs- og landbúnaðarráðherra og heilbrigðismálaráðherra undirrituðu í lok síðustu viku yfirlýsingu um sameiginlegt átak til að draga úr þessari útbreiðslu. Með yfirlýsingunni verða tillögur starfshópsins að opinberri stefnu íslenskra stjórnvalda í baráttunni gegn þessari vaxandi ógn.

Tillögur starfshópsins eru settar fram í 10 liðum. Sjávarútvegs- og landbúnaðráðherra hefur nú skipað stýrihóp sem falið er að móta og hrinda í framkvæmd verkþáttum undir hverjum lið til að draga úr útbreiðslu sýklalyfjaónæmis. Hópurinn er skipaður yfirdýralækni, sóttvarnalækni og sérfræðingi atvinnuvega- og nýsköpunarráðuneytisins. 

Fyrirhugað er að halda málþing um sýklalyfjaónæmi á Íslandi á vegum Matvælastofnunar og samstarfsstofnana. Málþingið verður auglýst síðar.

Ítarefni

Til baka