Innlausn á greiðslumarki mjólkur - umsóknarfrestur 4. apríl

Mjólk
08.03.2017 Fréttir - Búnaðarmál

Skilafrestur umsókna um innlausn og kaup á greiðslumarki er 4. apríl 2017. Skilyrði fyrir kaupum er greiðsla berist í síðasta lagi 20. apríl 2017. Umsóknum um kaup og sölu þarf að skila á þjónustugátt Matvælastofnunar. Umsókn um sölu á greiðslumarki er nr. 7.14 og umsókn um kaup á greiðslumarki er nr. 7.18 inn á þjónustugáttinni. Innlausnarverð á lítra á innleystu greiðslumarki er 138 krónur á lítra. Matvælastofnun greiðir fyrir innleyst greiðslumark eigi síðar en 15. maí 2017. Ársgreiðsla fyrir greiðslumark er í dag 13,62 krónur á lítra. Aðrar stuðningsgreiðslur í nautgriparækt eru ekki tengdar greiðslumarki. Greiðslumark fellur niður eftir fjögur ár skv. núverandi búvörusamningi, nema annað verði ákveðið við endurskoðun samnings. Greiðslumarkið gildir þó sem viðmið fyrir greiðslur á greiðslumark, en þær fara lækkandi á næstu árum og falla niður árið 2026. Innlausn fer fram í samræmi við reglugerð nr. 1150/2016 um stuðning við nautgriparækt.

Til baka