• Email
  • Prenta

Mannauðsstjóri

Húsakynni MAST
08.02.2017 Fréttir - Lausar stöður

Matvælastofnun auglýsir laust til umsóknar starf mannauðsstjóra á rekstrarsviði stofnunarinnar á Selfossi. Leitað er að öflugum einstaklingi til að sjá um og leiða mannauðsmál innan stofnunarinnar.

Helstu verkefni og ábyrgð

Almenn umsjón og ábyrgð á starfsmannamálum stofnunarinnar, s.s. ráðningar, launavinnsla og kjaramál, utanumhald starfsmannaupplýsinga, nýliðakynning, fræðsla og símenntun, upplýsingamiðlun og stuðningur við stjórnendur og starfsmenn, starfsmannakannanir, stefnumótun í mannauðsmálum, þróun og eftirfylgni starfsþróunaráætlunar og hæfnisþróunar o.fl.

Hæfnikröfur

  • Háskólamenntun sem nýtist í starfi
  • Reynsla og þekking af mannauðsmálum
  • Góð tungumálakunnátta (íslenska/enska) og tölvukunnátta
  • Þekking og reynsla af launavinnslu (t.d. Oracle) og tímaskráningarkerfum (t.d. Vinnustund) er kostur
  • Hæfni í mannlegum samskiptum
  • Skipulag, nákvæmni, frumkvæði, fagleg vinnubrögð og sjálfstæði í starfi

Nánari upplýsingar um starfið veitir Bjarki R. Kristjánsson, forstöðumaður rekstrarsviðs, í síma 530-4800. Umsóknarfrestur er til og með 27. febrúar 2017. Umsókn skal fylgja starfsferilsskrá og kynningarbréf. Umsókn sendist í tölvupósti á netfangið starf@mast.is og skal skrá „Mannauðsstjóri“ í efnislínu. Öllum umsóknum verður svarað þegar ráðning liggur fyrir. Launakjör eru samkvæmt gildandi kjarasamningi fjármálaráðherra og viðkomandi stéttarfélags.

Til baka