Sumarstarfsmenn hjá Matvælastofnun

06.06.2011 Fréttir - Fréttir

  
Þann 1. júní hófu störf 4 nýir starfsmenn á sviði sjávarafurðaeftirlits og munu þeir fyrst og fremst vinna við gerð kannana sem tengjast meðferð á afla. Starfsvettvangur þeirra verður því að miklu leyti á löndunarhöfnum og á fiskmörkuðum.

Verkefni þeirra eru hluti þeirra verkefna sem Matvælastofnun er skylt að gera til að uppfylla ákvæði í lögum og reglum sem Ísland hefur innleitt með samningnum um Evrópska Efnahagssvæðið (EES).
 
Helstu verkefni þeirra verða:
  • Könnun á aflameðferð við og eftir löndun
  • Mælingar á hitastigi í lönduðum afla
  • Könnun á aðstöðu til löndunar á viðurkenndum löndunarhöfnum
  • Skynmat á lönduðum afla og afla sem boðinn er upp á fiskmörkuðum
  • Könnun á aðstæðum í flutningi afla frá löndunarstað/fiskmarkaði til kaupanda.
Þessir starfsmenn Matvælastofnunar munu starfa á löndunarhöfnum á SV-landi, Vesturlandi, Vestfjörðum og Norðurlandi.

MAST  býður þessa nýju starfsmenn velkomna til starfa og vonast eftir góðu samstarfi  við sjómenn, starfsmenn hafna, fiskmarkaða og flutningsfyrirtækja.

Til baka