Vanmerktir ofnæmis- og óþolsvaldar í ís

15.04.2011 Fréttir - Innkallanir
Matvælastofnun hefur fengið upplýsingar um aðgerðir matvælaeftirlits Heilbrigðiseftirlits Reykjavíkur sem hefur farið fram á að "Krónan Bragðarefur - Vanilluís með karamellusósu, Nóa kroppi, Daim og smartkúlum" verði innkallaður úr verslunum.


  
Vöruheiti:  "Krónan Bragðarefur - Vanilluís með karamellusósu, Nóa kroppi, Daim og smartkúlum".  
Ábyrgðaraðili; framleiðandi, innflytjandi og/eða dreifingaraðili:  Varan er framleidd af Emmessís, Bitruhálsi 1, 110 Reykjavík, fyrir Krónuna, Bíldshöfða 20, 110 Reykjavík.
Auðkenni/skýringartexti:  Um er að ræða vanilluís í 1,33 l umbúðum með karamellusósu, Nóa kroppi, Daim-bitum og "smartkúlum". Í Daim-bitunum eru hnetur (möndlur) og sojalesitín.  Í innihaldslýsingu á umbúðum vörunnar kemur ekki fram að hún innihaldi hnetur og sojalesitín en hvort tveggja er á lista yfir ofnæmis- og óþolsvalda. Samkvæmt matvælalöggjöfinni eiga ofnæmis- og óþolsvaldar að vera skýrt merktir í merkingum matvæla.  Einnig eru aðrar athugasemdir gerðar við merkingar vörunnar.
Áætluð dreifing:  Verslanir Krónunnar um land allt.

Laga- /reglugerðarákvæði:  7. tl. 6. gr., 8., 12., 13., 14. og 20. gr. reglugerðar nr. 503/2005 um merkingu matvæla, með síðari breytingum.  8. og 30. gr. laga nr. 93/1995 um matvæli, með síðari breytingum.

Ítarefni



Til baka