Vanmerktir ofnæmis- og óþolsvaldar í Skafís og Rjómaís

07.04.2011 Fréttir - Innkallanir
Matvælastofnun hafa borist upplýsingar  frá Matvælaeftirlit Heilbrigðiseftirlits Reykjavíkur um vanmerkingar vegna ofnæmis og óþolsvalda og  að eftirfarandi vörur verði innkallaðar af markaði:

Vöruheiti:  "Skafís - vanilluís með Daim-kúlum" og "Rjómaís með Daimkúlum".  


  
Ábyrgðaraðili; framleiðandi, innflytjandi og/eða dreifingaraðili:  Vörurnar eru framleiddar af Emmessís, Bitruhálsi 1, 110 Reykjavík.
Auðkenni/skýringartexti:  Um er að ræða vanilluís með Daim-kúlum í 1,5 l umbúðum og rjómaís með Daim-kúlum í 1,5 l umbúðum.  Í Daim-kúlunum eru hnetur (möndlur) og sojalesitín.  Í innihaldslýsingum á umbúðum varanna kemur ekki fram að þær innihalda hnetur og sojalesitín en hvort tveggja er á lista yfir ofnæmis- og óþolsvalda.  Samkvæmt matvælalöggjöfinni eiga ofnæmis- og óþolsvaldar að vera skýrt merktir í merkingum matvæla.  Fyrirtækið hætti framleiðslu á Daim ís í 2 l umbúðum um mitt síðasta ár en þessi ís getur þó leynst á markaði (s.s. á heimilum).  Einnig eru gerðar eftirfarandi athugasemdir við umbúðamerkingar matvælanna:  Innihaldslýsingar Daim-kúlanna vantar.  Tilvísun í staðsetningu "best fyrir" merkingar vantar.   
Laga- /reglugerðarákvæði:  12., 13. og 20. gr. reglugerðar nr. 503/2005 um merkingu matvæla, með síðari breytingum.  8. og 30. gr. laga nr. 93/1995 um matvæli, með síðari breytingum.
Áætluð dreifing innanlands: Um land allt.

Ítarefni



Til baka