• Email
  • Prenta

Fræðslufundur: Nýjar kröfur um framleiðslu dýraafurða

21.09.2010 Fréttir - Fræðslufundir
Með innleiðingu nýrrar matvælalöggjafar verða gerðar breytingar á lögum um framleiðslu búfjárafurða. Sá hluti löggjafarinnar tekur gildi 1. nóvember 2011 og þurfa allar mjólkurstöðvar, kjötvinnslur og sláturhús að hefja undirbúning til að uppfylla þessar nýju reglur frá og með þeim degi. Matvælastofnun heldur fræðslufund um nýjar kröfur um framleiðslu dýraafurða þriðjudaginn 28. september kl. 15-16.


  Á fundinum verður ný löggjöf um framleiðslu búfjárafurða kynnt og farið yfir þær kröfur sem gerðar eru til framleiðslu dýraafurða. Fjallað verður um áherslur í opinberu eftirliti og eftirfylgni til að tryggja að kröfurnar séu uppfylltar. Jafnframt verða kynntar athugasemdir frá nýafstaðinni heimsókn fulltrúa Evrópusambandsins um matvælaöryggis- og dýraheilbrigðismál (FVO) á Íslandi þar sem gerð var úttekt á starfsemi sláturhúsa og mjólkurstöðva og eftirliti með þeim.

Fyrirlesarar:

    Viktor S. Pálsson, forstöðumaður stjórnsýslusviðs MAST
    Sigurður Örn Hansson, forstöðumaður matvælaöryggis- og neytendamálasviðs MAST
    Kjartan Hreinsson, sérgreinadýralæknir heilbrigðiseftirlits hjá MAST

Fræðslufundurinn verður haldinn í umdæmisskrifstofu stofnunarinnar í Reykjavík að Stórhöfða 23. Gengið er inn í húsnæði MAST að norðanverðu (Grafarvogsmegin). Hægt verður að fylgjast með fundinum í beinni útsendingu og nálgast upptöku af fundinum á vef MAST undir ÚTGÁFA - FRÆÐSLUFUNDIR.

Allir velkomnir!

Ítarefni



Til baka