• Email
  • Prenta

Lýðheilsu og dýraheilbrigði innan ESB ekki ógnað vegna öskufalls

27.04.2010 Fréttir - Fréttir


  Matvælaöryggisstofnun Evrópu (EFSA) hefur samkvæmt beiðni framkvæmdarstjórnarinnar gefið út vísindalega ráðgjöf um þær hættur sem steðja að lýðheilsu og dýraheilbrigði vegna mögulegrar öskumengunar innan fæðu- og fóðurkeðjunnar. Þar eru möguleg skammtímaáhrif flúors til skoðunar m.t.t. öryggis matvæla og fóðurs vegna eldgossins í Eyjafjallajökli.

EFSA dregur þá ályktun út frá þeim gögnum sem liggja fyrir að möguleg hætta vegna flúors í ösku sem mengað getur neysluvatn, ávexti, grænmeti, fisk, mjólk, kjöt og fóður innan Evrópusambandsins sé hverfandi. Þar af leiðandi eru áhrif á lýðheilsu og dýraheilbrigði ekki talin áhyggjuefni.

Ítarefni



Til baka