• Email
  • Prenta

Eftirlitsheimsóknir Eftirlitsstofnunar EFTA(ESA) 2010

08.01.2010 Fréttir - Fréttir

 
Eftirlitsstofnun EFTA ber skylda til þess samkvæmt EES samningi að hafa eftirlit með því að aðildarríki hans (þ.e. EFTA ríkin) innleiði löggjöf samningsins og uppfylli þær kröfur sem hún gerir. Þessu hlutverki sinnir ESA með eftirlitsheimsóknum til ríkjanna þar sem starfsemi eftirlitsaðila er tekin út á sviði matvæla- og fóðuröryggis, dýraheilbrigðis og dýravelferðar.

Í þeim tilvikum sem löggjöf ESB hefur ekki verið innleidd, en unnið er að undirbúningi þess, fer stofnunin í svokallaðar æfingaferðir (preparatory mission). Þá eru eftirlitsskýrslur ekki birtar á vef ESA.

Frá árinu 2005 hefur stofnunin komið í 2-4 heimsóknir á ári til Íslands. Árið 2010 munu þær hinsvegar verða 6 talsins og þar af verður aðeins ein æfingaheimsókn. Á fyrri hluta ársins verða 3 heimsóknir á sviði fóðuröryggis, landamærastöðva og lifandi samloka (live bivalve molluscs) en á síðari hlutanum 3 heimsóknir varðandi löggjöf um fiskafurðir, fisksjúkdóma og hollustuhætti í kjötframleiðslu.

Ítarefni



Til baka